Onbeskryflike Genade: Boodskap Van Geloof, Hoop En Liefde (Sagteband)

Ek is Stefaans Coetzee.
Ek is ’n kind van God.
Ek is ’n man en ’n pa.
Ek is nie my verlede nie.

Stefaans Coetzee se pa was ’n alkoholis. Toe hy ses was, het sy ma hom kafee toe gestuur. Met sy terugkoms was sy weg. Van kleins af moes Stefaans veg vir aanvaarding en liefde, by die huis en in die kinderhuis. Sy storie begin in die Vrystaat, loop deur donker dade in Worcester, via verskeie tronke, tot op Klerksdorp. Dit is die verhaal van ’n seun wat die heel ergste sou doen, vir aanvaarding. Onbeskryflike Genade: Boodskap Van Geloof, Hoop En Liefde is ook ’n verhaal van hoop, genade, en tweede kanse. Dit wys dat enigeen kan verander. Jy ook.