Jesaja 1-12 - Net 'n Handjievol (Sagteband)

Jesaja was tussen 742 en 701 vC ʼn profeet in Juda en Jerusalem. Eeue later lees en interpreteer gelowiges steeds sy woorde. Jesaja het die Here se wil bekendgemaak in ʼn wêreld waarin konings hulle aan mag vergryp het. Nie net die konings van die piepklein Juda nie, maar ook die magtige Assiriese Ryk en Babiloniese Ryk het hulle hieraan skuldig gemaak. Dit hou egter nie stand nie. Sulke konings en ryke kom uiteindelik tot ʼn val. Jesaja vertel ons egter ook van die handjievol gelowiges wat, ongeag die omstandighede, op die Here bly vertrou en nie mense vertrap en verslind het nie.