Bloedbruide Van Christus (Sagteband)

Jaap Durand – wat bekend geword het vir sy lewenslange stryd teen onreg in alle vorme – het nógeens die gemarginaliseerdes raakgesien: vroue wat vir hulle geloof in Christus die hoogste prys betaal het. Weer is hy ’n stem vir die stemloses, ook vir hulle wat tussen die bladsye van geskiedenisboeke misgekyk of verswyg is en sodoende in vergetelheid verdwyn het. Dié publikasie van Jaap Durand, saam met Verena Schoeman, lewer ’n belangrike bydrae tot die gesprek oor die mishandeling van vroue deur magsisteme, dikwels in die naam van geloof.  Hierdie boek is ’n begin. Daar is nog veel meer te sê.  Die geskiedenis van hierdie “getroue getuies” is immers deel van die geskiedenis van die Christelike verhaal. En die bloed van die martelaars is die saad van die kerk (Tertullianus). Hieraan herinner Bloedbruide van Christus ons, in ’n ander eeu, in ’n wêreld wat anders geword het. Mag hierdie boek in die hart van elke leser vrug dra en elkeen inspireer om moed te hou.