5 Minute Voor En Na Die Dood: Antwoorde Oor Die Dood En Die Lewe Hierna Nuwe Uitgawe SB

NUWE UITGAWE!
Méér as 250 000 eksemplare in druk

Wat wag anderkant die dood? Is dit ’n reis na die onbekende of eerder ’n glorieryke, geestelike pelgrimstog waarna ons kan uitsien?

As pastoor het Isak Burger die voorreg gehad om met baie mense te doen te kry wat voor die dood te staan gekom het. Hy het mense op hulle sterfbed besoek, begrafnisse waargeneem en families getroos wat oor geliefdes gerou het. In sulke tye het mense gewoonlik diep vrae oor die lewe ná die dood.

5 Minute voor én na die Dood: Antwoorde Oor Die Dood En Die Lewe Hierna, 'n Troosboek is ’n kragtige en genesende geloofsgids oor die lewe ná die dood. Dit beskryf met groot verantwoordelikheid wat die Bybel oor die onderwerp sê, en verskaf antwoorde op die algemeenste vrae wat mense oor die dood het.

Isak Burger se wysheid uit die Woord sal ook jou vrese oor die dood vervang met sekerhede oor die genade wat vir elkeen beskikbaar is. En as jy treur oor ’n geliefde wat dood is, sal jy getroos voel en weet: Eendag sien ons mekaar weer!