God Se Verhaal: 'n Bybelreis Vir Tieners (Sagteband)

God se verhaal, 'n Bybelreis Vir Tieners bestaan uit 150 dagstukkies wat tieners op ‘n avontuurlike reis deur die Bybel neem. In heerlike verteltrant word die hele verhaal van God se liefdesverhouding met mense vertel, vanaf die skepping, God se reis met Israel, die goeie nuus van die Seun van God se koms aarde toe, die werk van die Heilige Gees, en die roeping van die kerk (ons as gelowiges), totdat die Here Jesus eendag weer kom. Die vertellings maak die leser deel van die Bybelse verhaal, en die verhaal word deel van ons lewe. Dit help ons om te ontdek hoe groot en goed die Here is, maar leer ons ook hoe die Here wil hê dat ons sal lewe. Dit help antwoorde gee op lewensvrae, dit troos, gee hoop en inspireer. Dis deeglik geskryf, elke woord geweeg. Die boek kan gebruik word tydens gesinstyd met God, in persoonlike stiltetyd, maar selfs ook as handige hulpmiddel by kategese.